Paikallisuutiset

Tiiti loktii Eanodaga meahccelogahaga smávva logahagaid buoremussan

Skuvlla auditorias šattai albma ávvumielladilli go čavčča studeantačállosiin geargan Tiiti Marjala čohkkedii gehččiid ovdii. Marjala oažžuge leat čeavlái iežas olahusas, daningo su ánssus Eanodaga meahccelogahat lea STT ráhkadan logahatveardádallamis unna logahagaid gaskkas buoremusaid searvvis.

Hálddahuslaš rektor Riitta Peltovuoma giittii studeantta lassin maiddái bargiid.

Sáhkavuorustis Marjala giittii Kari Murtola, guhte lei dorjon su ja ávžžuhan su gáibidit feastta lágiduvvot maiddái čakčat.

– Oppalaččat háliidan giitit buot oahpaheddjiid gierdevašvuođas, ja háliidan giitit eadnán ja áhččán ruovttus addán doarjaga ovddas, vaikko mu plánat sáhtte muhtumin leat oalle ártegat, Marjala dajai.

Son sávai iežas luohká olbmáide, geat vel jotket studerema, oanehis skuvlabeivviid ja lihku boahttevaš áŋgiruššamiin. Joavkobagadalli Irmeli Korkala muitalii sáhkavuorustis, ahte go son vuosttaš geardde oahpásnuvai Marjalain, de fuomášii man beroštuvvan son lei oahppat ođđa áššiid ja smiehttat áššiid.

– “Ságastallamat duinna čájehedje, ahte juo nuorran bastet jurddašit analyhtalaččat ja buriin vugiin “bidjat gažaldatmearkkaid” áššiide, Korkala smiehtadii sáhkavuorustis.

Mun doalan ain buot vejolašvuođaid rabasin, lasiha son.

Marjala muitala, ahte su oahput Eanodaga meahccelogahagas ovdánedje dan veardde jođánit, ahte son ii háliidan vuordit oahpuin geargama gitta giđđii.

– Mun ožžon nohkka oahppočuoggáid vuosttaš lohkanbaji maŋŋel, ja dál sáhtán friddjabut bargat maid háliidan, daningo skuvla ii čana mu dihto báikái dahje áigetávvalii, muitala son Enontekiö Sanomat -aviisii.

Eanodaga meahccelogahagas Marjala lea atnán árvvus unna logahaga geabbilvuođa, daningo oahpuid sáhttá čađahit máŋgga ládje.

– Ovdamearkka dihte mus leat buorit muittut Heahttá-Bállás- vánddardeamis. Goittotge buoremus leat leamaš olbmot, oahpaheaddjit ja logahaga mielstudeanttat.

Dasto Marjala háliidivččii vuolgit universitehttii.

– Mun doalan ain buot vejolašvuođaid rabasin, lasiha son.