Paikallisuutiset

Ráđđehusa bušeahttaráđđádallamis sohppojuvvui Bálojohnjálbmi-Mávdna-gaskka oasseollašuhttin 30 miljovnnain

Ráđđehus álggaha máŋga mearkkašahtti johtolatinfrainvesteremiid olles Suomas boahtte jagi. Ođđa infrainvesteremiin lea šihttojuvvon ráđđehusa bušeahttaráđđádallamiin ikte čakčamánu 3. b.

Riikkageainnu 21 Bálojohnjálbmi - Mávdna-prošeavtta oasseollašuhttimii evttohuvvo 30 miljovnna euro sturrosaš fápmudus ja boahtte jahkái miljovnna euro mearreruhta.

Ráđđehus oaivvilda ahte dát geaidnogaska lea dehálaš riikkaidgaskasaš oktavuohta (E8) Davvi-Norgii ja Jiekŋamerrii. Prošeavtta ulbmilin lea doalahit ja buoridit dán guhkes mátkki gálvo- ja olmmošjohtolaga njuovžilvuođa, doaibmasihkkarvuođa ja mátkkoštanáiggiid einnostahttivuođa. Dasa lassin prošeavttain dorvvastuvvo sierrajohtolagaid johtolat riikkageainnu 21:s ja dorvvastuvvojit maid ealáhuseallima doaibmanvejolašvuođat.

– Ráđđehus bidjá olu návccaid geaidnoinfrastruktuvrra buorideapmái. Giđđat sohppojuvvon ođđa luoddaprošeavttain mii nanusmahttit olles Suoma sihkkarvuođa ja fuolahussihkarvuođa, fuolahit ealáhuseallima dárbbuin ja buoridit luottaid. Mii doalahit sohppojuvvon prošeavttain ja ođđa prošeavttaid, Vt15, Vt12 ja Vt21, agoartaválmmaštallamat biddjojuvvojit johtui dakkaviđe, cealká johtalus-, gulahallan- ja sisáššiidministtar Lulu Ranne.

Prošeavttat evttohuvvojit ruhtaduvvot oaiveministtar Petteri Orpo ráđđehusprográmma investerenprográmmas, celkojuvvo stáhtaráđi dieđáhusas.