Paikallisuutiset

Máret-Elle Valkeapää searvá the Voice of Finlandii

Go dán giđa The Voice of Finland máhccá TV:ii bearjadaga ođđajagemánu 24. beaivve, sáhttet eanodatlaččat gealdagasas geahččagoahtit goas oidno oahpes olmmoš ja oažžugo lávlu gilvvu duopmáriid Maija Vilkkumaa, Elastinen, Sanni ja Arttu Wiskari iežas beallái.

Oahpes láhkái The Voice of Finland álgáÄäni ratkaisee-osiin, mas duođaid dušše jienas lea mearkkašupmi.

Áibbas ex tempore -ášši munnje alccesannai.

Eanodaga ovddasta 19-jahkásaš Máret-Elle Valkeapää, gii lea Guhttásis eret.

Diimmá giđa studeanta muitala ahte son doallá dál jagi bottu oahpuin, ja eallimis lei perfeakta áigi ollašuhttit mánnávuođa niegu ja ohcat Voice-gilvui.

– Áibbas ex tempore -ášši munnje alccesannai, Valkeapää dadjá.

The Voice of Finland ođđa áigodagas lávluid ahkejuohku lea viiddis: nuoramus lávlut leat 16-jahkásaččat, go boarráseamos lávlu lea joksan juo 86 jagi, mii lea gudnejahttojuvvon ahki. Juohke duopmár beassá ieš válljet 12 lávlu iežas teamii.

The Voice of Finland 14. áigodat oidno Nelosis ja Ruutus bearjadagaid ja sotnabeivviid. Vuosttaš oassi čájehuvvo bearjadaga 24.1. diibmu 20.00. Gilvvu jođiheaba Heikki Paasonen ja Jaana Pelkonen.