Paikallisuutiset

Sámi giellavahkku lahkona – Geahča Sara Kelemeny jearahallama njuolggosáddagis YouTubes

Sámi giellavahkku lágiduvvo golggotmánu 20.-26. beivviid.

Áibbas dan vahku álggus lea vejolašvuohta geahččat girječálli ja journalistta Sara Kelemeny jearahallama, mii streamejuvvo Roavvenjárgga váldogirjerádjosis. Su jearahallá dáiddár ja journalista Sonja Huhtaniska disdaga golggotmánu 20. beaivve diibmu 17.30.

Kelemeny lea nuortalaš doaimmaheaddji, gii lei mielde BBC:a 100 eanemus váikkuheaddji ja inspirerejeaddji nissona listtus jagi 2019. Dán giđa son almmustahtii iežas vuosttaš girjji Iiskâr - Kipinä, mas son muitala mot oaččui fas ruovttoluotta iežas jávkan eatnigielas, nuortalašgiela.

Girjji nuortalašsámegielat jorgalus vuordá ain almmustahttima. Dilálašvuođas ságastallojuvvo sámegielas, giellaealáskahttimis ja mo lea bajásgeassit máŋggagielat bearraša go okta dain gielain lea duođaid áitatvuloš giella.

Galledeami sáhtát geahččat ruovttus Roavvenjárgga girjeráju YouTube-kanálas čujuhusas https://www.youtube.com/@roikirjasto.

Sámi giellavahku ulbmilin lea, ahte sámegielat oidnošedje ja gullošedje servodaga buot surggiin Suomas, Ruoŧas ja Norggas.

Sámi giellavahkku lea lágiduvvon jagi 2019 rájes, mii lei maiddái ON:id riikkaidgaskasaš eamiálbmotgielaid jahki. Vahkku lea lágiduvvon dan rájes jahkásaččat dan álo golggotmánu 43. vahkus. Sámediggi lágida sámi giellavahku ovttasbargguin Ruoŧa ja Norgga sámedikkiiguin.

Eanet áššis sámedikki neahttasiiddus.