Paikallisuutiset

Ulla-Maarit Magga válljejuvvui sámedikki stivrii

Riikkaidgaskasaš doaimma guoski strategiija beaiváduvvo

Sámedikki dievasčoahkkin lea ovttamielalaččat válljen Sámedikki stivrra viđát aitosaš lahttun eanodatlaš Ulla-Maarit Magga.

Sámediggeláhkaođastusa mielde Sámedikki stivrra čoakkádussii lasihuvvojit okta aitosaš lahttu ja guokte várrelahtu. Vuosttaš várrelahttun válljejuvvui Nilla Tapiola Ohcejogas ja nubbin várrelahttun Armi Palonoja Soađegili Sámi bálgosa guovllus.

Ođastuvvon Sámediggelága mielde sámediggi vállje iežas lahtuin stivrra, mas lea ságajođiheaddji, guokte várreságajođiheaddji ja eanemustá vihtta eará lahtu. Dasa lassin sámediggi vállje lahtuid gaskkas guokte várrelahtu stivrii.

Čoahkkimis sámediggi ságastalai maiddái riikkaidgaskasaš doaimma guoski strategiija beaivádeamis, man dárkkuhussan lea nannet sámedikki vejolašvuođaid oassálastit ja váikkuhit riikkaidgaskasaš ovttasbargoforumiin, ovddidit sápmelaččaid vuoigatvuođaid ja maiddái buktit ovdan eamiálbmoga oainnuid globála gažaldagain.

Sámedikki doaibmaplána ja dán jagi bušeahta mielde strategiija beaiváduvvo vástidit dán válgaáigodaga doaibmaprográmma mihttomeriid ja riikkaidgaskasaš arenain dáhpáhuvvan ovdáneami.