Paikallisuutiset

Sámemusea Siida válljejuvvui jagi eurohpálaš musean

Jagi eurohpalaš musea -bálkkašupmi juhkkojuvvui European Museum of the Year Award -konferánssas Portugala Portimãos. Dán jagi bálkkašupmi juhkkojuvvui Sámemusea Siidii.

– Mii leat hui ilus dainna, ahte Siidda ođastus ja máŋggabealat bargomet sámi kulturárbbi buorrin lea fuomášuvvon viidát Eurohpás.

– Sámemusea Siida eamiálbmotmusean lea vuosttažettiin sámiid várás. Muhto mii leat earenoamáš ilus das, mot min iežamet sámi muitalusat guoskkahit maiddái olles Eurohpá museasuorggi ja olbmuid birra máilmmi, dajai museahoavda Taina Pieski giittossártnistis.

– Giitu dán bálkkašumis gulláge olles sámi servošii, dan ahkeolbmuide, geat dieđuideaset ja dáidduideaset bokte leat dorjon min barggu ja maiddái Sámemusea Siidda buot bargiide, geat leat oba váimmusteaset leat bargan čájáhusa ovdii.

– Mii giitit maid min máttuid sis oažžun doarjagis, ráhkisvuođas ja fámus, jotkkii Pieski.

Siidda ođđa váldočájáhusas sápmelaččat ieža muitalit iežaset muitalusa Pieski muitalii, ahte Siidda sámekultuvrras muitalan čájáhusa huksemii serve badjel 300 sámeservoša lahtu.

– Mii sávvat, ahte dát bálkkašupmi addá midjiide fámu joatkit dehálaš repatriašuvdnabarggu. Dán bargui mii dárbbašit doarjaga olles eurohpalaš museasuorggis vai min máttuid dávvirat máhccet ruoktot Sápmái, dajai museahoavda Pieski.