Paikallisuutiset

Eanodaga nuorat vuite teáhterluohká Anára dáiddadáhpáhusas

Sámenuoraid dáiddadáhpáhus lágiduvvui Anáris, Sámekulturguovddáš Sajosis miessemánu 6.-7. beivviid, ja Eanodaga mánát ja nuorat menestuvve doppe hui bures.

Heahtá skuvlla teáhterčájáhus Emily in Sápmi válljejuvvui buoremus teáhterčájáhussan, masa válde vuođu bivnnuhis Emily in Paris -drámákomediaráiddus. Sii besset ovdanbuktit čájáhusa Ijahis Idja -dáhpáhusas Anáris borgemánu gaskamuttus.

6-8 jahkásaččaid ahkeluohká vuittii Heahtá vuolledási sámi ohppiid joavku Lottažat, mii čájehii čájálmasa Meahcceeallit vurdet beaivváža.

1. saji fidnii maiddái Gárasavvona skuvla 9-12-jahkásaččaid ahkeluohkás čájálmasain Giehtaruohttasa mánát.

Mielde lei maid birasdáiddačájáhusráidu, mas Eanodaga ovddasteaddjit válde máŋga njunušsaji. Buot bohtosiid oaidná čujuhusas www.enontekionsanomat.fi.

Sámenuoraid dáiddadáhpáhusas ovdanbukte Sajosa auditoria lávddi nalde oktiibuot 12 teáhterčájáhusa ja 13 ovdanbuktima birasdáidagis, ja luohkát ledje ovdaskuvlla rájes gitta logahaga rádjai. Sámenuoraid dáiddadáhpáhusa ordne jahkásaččat Sámediggi.