Paikallisuutiset

Dárkkistanlávdegoddi giddii fuomášumi gieldda siskkáldas dárkkisteapmái ja investerenfidnuide

Dárkkistanlávdegoddi ii leat árvvoštallanmuitalusastis evttohan ollu gáibádusaid dán háve, muhto ovddidedje gielddastivrra čilgen láhkai dál dušše moadde ášši.

Lávdegoddi imaštallá go dohkkehuvvon siskkáldas doaibmanrávvagat váilot gielddas. Lávdegoddi oaivvilda ahte diibmá siskkáldas mearrádusain dáhpáhuvai máŋga divvun- ja váidinproseassa.

Infrastruktuvrra oasis dárkkistanlávdegoddi jearrá, mot bušeahttaráhkadeami sáhtášii ovdánahttit, dannego bušeahtas leat gávdnan váilevašvuođaid ja jeavddalaš rievdadusaid jagi áigge.

Seammás lávdegoddi imaštallá, mii lea dat mii dagaha váddáseabbon hálddašit máŋga prošeavtta mat leat jođus oktanaga, ja mii goahcá guovddáš prošeavttaid ovdáneami.

Dárkkistangoddi cealká konseardnafitnodagaid birra dan, ahte lea unnán konseardnabearráigeahčču ja stivrejupmi, ja lasiha vel ahte boahtteáiggis lea dárbu ráhkadit čielga njuolggadusaid ja aiddostahttit fitnodagaid doaibmajođiheddjiid ja stivrraid rollaid ja ovddasvástádusaid. Dasa lassin lávdegoddi jearrá, mainna lágiin konseardnajođihangoddi čuovvu vuollefitnodagaidis doaimmaid ja ollašuvvágo eaiggátstivren beaktilit.

Buorrin dárkkistanlávdegoddi atná iešbirgenlági dási, mii lei rehketdoallobaji loahpas 82 proseantta.

Gielddastivra galgá ovdal čakčamánu 15. beaivve buktit vástádusaid árvvoštallanmuitalussii.