Paikallisuutiset

Fitnodat, mii buvttada Eränkävijät-ráiddu, lea pláneme TV-ráiddu VT21 mátkkošteddjiid birra

Oulu buvttadanfitnodat NTRNZ Creative lea dál bargame tv-prográmmaevttohusain, man ulbmilin lea muitalit Riikkageainnu 21 mátkkošteddjiid birra.

Fitnodat lea dovddus earret eará Yle - Eränkävijät ráiddus.

– Buvttadanfitnodaga filbmateamat geavahit geainnu jámma, daningo ovdamearkka dihte Eränkävijät ja Äijä mátkkit govvejuvvojit Gilbbesjávrri guovllus, muitala Tomi Suomela NTRNZ Creative -fitnodagas.

Fitnodat diehtá mot gáibideaddji dálkkit, lossa johtolat ja vuorddekeahtes dilit váikkuhit olles guovllu árgabeaivái. Suomela muitala, ahte fitnodat lea jo guhkit áigge čuvvon VT21 dálvedáhpáhusaid ja dain čuožžilan ságastallamiid, nu báikkálaš go maiddái riikkaviidosaš dásis.

– Mii leat jurddašan, ahte tv-ráiddus livččii doarvái sisdoallu dáhpáhusaid bealis, muhto visot vuolgá goittotge olbmuin. Geahččit háliidit oaidnit sin ja buohtastuvvat sin muitalusaide, son deattuha.

NTRNZ Creative ohcá miellagiddevaš olbmuid mielde dán tv-ráidui, jus prošeakta ovdána buvttadeami rádjái. Dál geahččalit gávdnat olbmuid ja fitnodagaid, maid vuođul de tv- ráiddu diŋgojupmi vejolaččat ovdána.

De go leat gávdnan doarvái viiddes ja miellagiddevaš joavkku, de fitnodat ovddida dan tv-ráiddu vejolaš diŋgojeaddjái.

Fitnodat sávvá gávdnat plogavuddjiid ja geaidnofuolahusa ámmátolbmuid, eiseválddiid, vuosttašveahki ja gádjunbargiid, tráilarvuddjiid ja eará johtolatámmátolbmuid, ja maiddái báikkálaš fitnodagaid ja ássiid.

Sáhtát dán ášši olis váldit oktavuođa e-poastta bokte čujuhussii info@ntrnz.com, ja buvttadanfitnodat mielas video livččii buoremus lahkonanvuohki. Eanet dieđuid oaččut Tomi Suomelas, tlf. 0400 678 724 dahje tomi.suomela@ntrnz.com.