Paikallisuutiset

Yle Sámi ođđa hoavdan álgá Linnea Rasmus

Yle Sápmi lea ožžon ođđa vástideaddji doaimmaheaddji. Restonoma (AMK) ja journalismma studeanta (YAMK) Linnea Rasmus, 38, álgá virgái miessemánu álggus. Yle Sámi hoavda jođiha sámegielat ollisvuođa ja vástida dan sisdoalus.

Rasmus bargá dál Yle Sámi vásttolaš doaimmaheaddji sadjásažžan. Dálá jođiheaddji Maiju Saijets lea cealkán eret cuoŋománu rájes. Son lea leamaš lohkanvirgelobis miessemánu 2024 rájes ja joatká čállit nákkosgirjebarggus.

Rasmus lea bargan ovdal Yle Sámi ođasbuvttadeaddjin, neahttabuvttadeaddjin ja maiddái doaimmaheaddjin.

– Lea stuorra gudni jođihišgoahtit doaimmahusa, mas lea guhkes historjá ja mearkkašahtti rolla sámiid jietnan, lohká Rasmus.

Son muitala, ahte Yle Sámi doaimmahusas lea stuora ovddasvástádus ovddidit sámegielat almmolaš media bálvalusaid ja fállat sámiide mávssolaš sisdoalu ođđasiid rájes gitta mánáidprográmmaid rádjái.

– Lea maiddái dehálaš sihkkarastit sámi áššiide riikkaviidosaš oinnolašvuođa, joatká son.

Rasmus raportere barggus doaimmahushoavda Ilona Koivistoi. Lonohallan Yle Sámi vásttolaš doaimmaheaddji barggus ii čatnas YLE seastinprográmmii.