Paikallisuutiset

Meahciráđđehus álggaha čielggadeami Gilbbesjávrri luondduguovddáža luohpaheamis

Vuođuštussan leat áššehasaid dárbbuid rievdamat ja stáda ávkkálašvuohtaprográmma.

Meahciráđđehusa Luonddubálvalusat álggaha čielggadeami Gilbbesjávrri luondduguovddáža luohpamis dán giđa áigge. Seammás čielggadit Hossa, Seitseminen ja Teijo luondduguovddážiin luohpamis, celkojuvvo Meahciráđđehusa dieđáhusas.

Luonddubálvalusaid ulbmilin lea gávdnat báikkálaččat doaibmi čovdosiid muhto seammás ohcet maiddái aktiivvalaš doibmiid, aktevrraid fállat bálvalusaid meahcis vánddardeddjiide.

– Mii háliidit čielggadit luondduguovddážiid boahtteáiggi ovttas gielddaiguin, fitnodatdolliiguin ja eará ovttasbargoguimmiideametguin. Mii ohcat báikkálaččat doaibmi čovdosiid, muitala luonddubálvalushoavda Henrik Jansson Meahciráđđehusas.

Luonddubálvalusat vuođušta čielggademiid áššehasaid dárbbu rievdademiiguin ja stáda Stáda ávkkálašvuohtaprográmmain, man dihte maiddái Luonddubálvalusat šaddet dahkat seastindoaimmaid. Čuohppamat geahpidit jagi 2027 rájes Meahciráđđehusa Luonddubálvalusaid ruhtadeami sullii 4,4 miljovnna evrro mannan jagi dásis.

Stáda geahpedan ruhtademiin dorvvastit Meahciráđđehusa mielde Luonddubálvalusaid váldodoaimmaid, fuolahit stáda luonddusuodjalanguovlluin ja fállat olbmuide meahcis vánddardanvejolašvuođaid.

Čielggadeami váikkuhusaid meannudit ovttas bargoveaga ovddasteddjiiguin ovttasbargodoaibmalága nuppástusráđđádallamiin. Juste dál Meahciráđđehusa mielde ii leat dihtosis dárbu unnidit bargoveaga.

Luonddubálvalusat geahččala vástidit stáda gáibádusaide maiddái nu, ahte ovddida doaimmaid vástidit vánddardeddjiid dálá dárbbuide, dákkár dárbbut leat earret eará digitála- ja mobiilabálvalusdárbbut.