Paikallisuutiset

Suohkanstivra evttoha gielddahoavdan Marko Halla

Áššis jienastuvvui, suohkanstivrra sátnejođiheaddji guđii sierraoaivila.

Suohkanstivra evttoha stivrii, ahte gielddahoavdan válljejuvvošii Marko Halla, guhte bargá dál Eanodaga girdišilju beaivválaš jođiheaddjin. Gielddastivra mearridii gieđahallat ášši gielddastivrra sátnejođiheaddji čilgehusa vuođul almmá virgehálddašeaddji ovdanbuktima haga.

Vuođđoevttohussan suohkanstivrii lei sátnejođiheaddji Leena Palojärvi evttohus, ahte suohkanstivra bovde jearahallamii eambbo ohcciid.

Dán áššis šattai jienasteapmi dannego Janne Näkkäläjärvi evttohii ahte gielddastivra evttoha gieldda váldostivrii, ahte gielddahoavdan nammaduvvo Marko Halla. Janne Näkkäläjärvi evttohusa dorjo Heikki Järvistö, Elli-Maria Kultima ja Outi Kurkela. Jienasteamis dušše Palojärvi lei iežas evttohusa bealde, nu ahte suohkanstivrra evttohussan šattai Marko Halla jienaiguin 4-1.

Maŋŋel miessemánu 14. Beaivvi jearahallamiid jearahallanjoavku ii nagodan dahkat ovttamielalaš evttohusa. Loahpalaš mearrádusa gielddahoavdda válljemis dahká gieldd váldostivračoahkkin miessemánu 29. beaivve.