Paikallisuutiset

Girjebussiin doalvut kultuvrra giliide

Ulbmilin lea doalvut dáidaga njuolga giliide, mánáidgárddiide, skuvllaide ja dikšunlágádusaide nuvttá ja leat de olámuttos Duottar-Sámi guovllus.

Gihttelaš Kiertävä lastenkulttuurikeskus Kattila-nammasaš searvi lea ožžon Duottar-Sámi Leaderis 90 000 euro ovddidanruđa nannet guovlluguovdasaš kulturdoaimma, geahpedit árgabeaivvi ja lasihit searvvušvuođa. Taideporinat-nammasaš prošeavttas buktet máŋggadáiddalaš bargobájiid ja čájáhusaid Duottar-Sámi ássiid lahka girjebiillaiguin ja gielddaid girjerádjosiid bakte.

Searvvi ulbmilin lea ollašuhttit prošeavtta ovttasbarggus Gihttela, Kolari, Muoná ja Eanodaga gielddaiguin jagi 2025 áigge. Prošeavtta doarju Duottar-Sámi Leader, ja dat lea ruhtaduvvon EU oasseruhtademiin.

Ulbmil lea doalvut dáidaga njuolga giliide, mánáidgárddiide, skuvllaide ja dikšunlágádusaide nuvttá ja nu leat de olámuttos buohkaide. Áigumuššan lea lasihit earret eará searvvušvuođa ja kultuvrralaš deaivvademiid boaittobeale guovlluide ja ulbmilin lea doarjut Sámi leana ovddidanplána ulbmiliid. Dálonguovllu eallinfámu geahččalit nannet fállamiin buriid ákkaid čoahkkanit ja návddašit dáidaga ovttas.

Prošeavtta guovddáš ulbmilin lea eastadit nuoraid duvdašuvvamis. Miellagiddevaš kultursisdoaluid nugo sirkusa, sátnedáidaga ja dohkkáteáhtera fállamiin sáhttet ráhkadit ođđa vejolašvuođaid deaivvademiide ja searvevuhtii.

Prošeakta háliida čalmmustahttit ahte girjebusset eai leat dušše busset mat fievrridit girjjiid mielde, muhto dat leat maiddái johtti dáidda- ja kulturguovddážat, mat fállet buohkaide rabas dáiddavásáhusaid. Dasa lassin prošeakta maiddái čatnasa suvdilis ovdáneami prinsihpaide.

Kulttuurikattila lea jagi 2016 vuođđuduvvon gihttelaš searvi, man ulbmilin lea lasihit dáidaga ja kultuvrra dásseárvosaš fálaldagaid Sámis.