Paikallisuutiset

Ruoŧa boles sáhttá boahtit veahkkin Eanodagas

Boles sáhttá dikšut fáhkka dáhpáhusaid ránnjáriikka rádjeguovllus iehčanassii Norrbottena njealji rádjegielddas ja guđa rádjegielddas Lappis Durdnosa rájes gitta Eanodaga rádjái.

Ođđa soahpamuša mielde boles sáhttá rasttildit ráji ja doaibmat sorjjasmeahttumit dassážiigo veahki bivdán ránnjáriikka bolesat bohtet báikki nala. Dan maŋŋel ránnjáriikka bolesat sáhttet veahkehit doalloriikka bolesiid. Bolesat sáhttet rasttildit ráji ja doaibmat maid ránnjáriikka bolesiid veahkkebivdaga haga, jus lea sáhka fáhkka dáhpáhusain dahje jus dát čuhcet olbmo eallimii, dearvvašvuhtii dahje fysalaš duohtatmeahttunvuhtii nu ahte olmmoš lea heakkaváras.

Eanet sorjjasmeahttun doaimmat álggahuvvojit nuppi bealde ráji de go leat skuvlen bargiid, dieđiha boles. Guovtti riikka bolesat hárjehallet bargat nuppi riikkas dán vahkus Lulejus.

Dásseválddi presideanta dohkkehii šiehtadusa miessemánus 2024.